ابوذيات حب
[ندعوك للتسجيل في المنتدى أو التعريف بنفسك لمعاينة هذا الرابط]
عليّ ثوب الونــــين اشكثـــــــر .. حالي
شباب وهل شبت مـــــــــــــــن دون .. حالي
انشدچ على احوالچ مثــــــــــــــــــل .. حالي
طايــــــــح والهموم اتشيل بيـه
[ندعوك للتسجيل في المنتدى أو التعريف بنفسك لمعاينة هذا الرابط]
هموم هواك ما خلــــــــن .. علي حال
فريضة وحبك مــــــــــــــــــــن الله .. علي حال
يالتنشد على حالـــــــــــــــــــي .. علي حال
شيفيد النشد عالصار بيـه
[ندعوك للتسجيل في المنتدى أو التعريف بنفسك لمعاينة هذا الرابط]
الج بس انتي گلبـــــــــــــــي .. ورجيته
ودمع العـــــــــين يمــــــــــــــــــــــچ .. ورجيته
ابتعد كلمــــــــــــــــــــن نخيتــــــه .. والرجيته
ولا واحد اجانـي وحن عليه
[ندعوك للتسجيل في المنتدى أو التعريف بنفسك لمعاينة هذا الرابط]
رعيتك ليش گلبــــــــــك .. ما رعاني
ويهمــــك فت دليلــــــــــــــــي .. وما رعاني
مره احبس بدمعــــــــــــــــي .. ومره اعاني
ومره اتطيح روحي ابين اديـــه
[ندعوك للتسجيل في المنتدى أو التعريف بنفسك لمعاينة هذا الرابط]
هجرك يا ولف صاير بلا حد
مثل سيف اليكص ركبه بلا حد
كلتلي انتظري انه ارجع بالاحد
اجه الاحد يمته تعود اليه
[ندعوك للتسجيل في المنتدى أو التعريف بنفسك لمعاينة هذا الرابط]
احد سجين صبري وجن ولا حد
التفت وما شفت ربعي ولا حد
اشجم سبت اليمر بيه والاحد
اجي بس شوفتج تصعب عليه
[ندعوك للتسجيل في المنتدى أو التعريف بنفسك لمعاينة هذا الرابط]
لتهم بالعمر خلصان وحده
وانه ضعني سرا بالهوى وحده
حلت جنها بعيونك غير وحده
وكمت ما تسال ولا تمر بيه
[ندعوك للتسجيل في المنتدى أو التعريف بنفسك لمعاينة هذا الرابط]
غيرج ما حله بعيني ولا طاب
ولا دونج دخل كلبي ولا طاب
يجرحي وياج لا هود ولا طاب
دم ينزف ولا تدرين بيه
[ندعوك للتسجيل في المنتدى أو التعريف بنفسك لمعاينة هذا الرابط]
محبتك تجري وي روحي ويه دماي
وعليك انشلت اعظامي ويدماي
انجويت انه ابيد انه ناري ويدماي
ولكن من يطابكهن سويه
[ندعوك للتسجيل في المنتدى أو التعريف بنفسك لمعاينة هذا الرابط]
عليج الروح راحت من يردها
و وكيحه همومي صارت من يردها
خطيه الروح ملت من يردها
لان بس الصبر يبسل عليه
[ندعوك للتسجيل في المنتدى أو التعريف بنفسك لمعاينة هذا الرابط]
الا تظلم دليلي اياك وياك
انه طفيتك وجف الغير وياك
صدك من علي تهد وياك
اهد وافزع وطك بثنين اديه
شكثر هم بدليلي يامه عانه
وتعذب يامه ويامه عانه
يعمي انته معاهم يا معانه
تهد وتفازع وتاهت عليه
[ندعوك للتسجيل في المنتدى أو التعريف بنفسك لمعاينة هذا الرابط]
عسا بعدك كصير العمر لا طال
يمن وجهك بعد عالعين لا طال
ردي حظي ولشخصك ابد لا طال
لون محظوظ كلك بين اديه
[ندعوك للتسجيل في المنتدى أو التعريف بنفسك لمعاينة هذا الرابط]
صحبتك ليش كصرت ما طلتها
وانه الدنيا علمودك ما طلتها
جنتلك فرصه سهله ما طلتها
خصرتني بسبب بطرانك عليه
[ندعوك للتسجيل في المنتدى أو التعريف بنفسك لمعاينة هذا الرابط]
امش مملوح غيرك يمشي فاهي
وعجز يوصل لوصفك يم شفاهي
لون توصل شفاهك يم شفاهي
الزك لو تحط جيلات بيه
[ندعوك للتسجيل في المنتدى أو التعريف بنفسك لمعاينة هذا الرابط]
صديق الفاضلك بالطيب فضله
ومثل ما فضلك عالناس فضله
اشكره مو جزاته انكار فضله
يجيليك يوم هم تحتاج فيه
[ندعوك للتسجيل في المنتدى أو التعريف بنفسك لمعاينة هذا الرابط]
على ربعي فلا كضيت حايه
عدل ما دورت فد يوم حايه
لجن وسفه بعضهم صار حيه
ناعم ملمسه وبيه الاذيه
[ندعوك للتسجيل في المنتدى أو التعريف بنفسك لمعاينة هذا الرابط]
يامن فاركت شملي وشملاك
سمعنه والحجي يخصك وشملاك
اذا غيري وصل خدك وشملاك
حرام يبوس خد الجان اليه
[ندعوك للتسجيل في المنتدى أو التعريف بنفسك لمعاينة هذا الرابط]
كلبي ما لعب غيره لعابه
واحسن شفه لمراضي لعابه
سبحان الذي صاغه لعابه
ونفخ بيه روح حته يعم عليه
[ندعوك للتسجيل في المنتدى أو التعريف بنفسك لمعاينة هذا الرابط]
اجذب الكال عنك ومرة شفتك
العسل لسه بشفافي من رشفتك
الحذر لو ويه غيري مره شفتك
انتحر بيك واموتك بين اديه
[ندعوك للتسجيل في المنتدى أو التعريف بنفسك لمعاينة هذا الرابط]
عيون الكلب يوم اجفاك يدمن
عفتني وصافحت يا ترف يدمن
انه المثلي على الحسرات يدمن
عسى انسا هواك شعمل بيه
[ندعوك للتسجيل في المنتدى أو التعريف بنفسك لمعاينة هذا الرابط]
الدنيا اسيوف بظلــوعي .. سنتها
وقوانين التعب لجلـــــي .. سنتها
الوادم تحتفل بآخــــــــر .. سنتها
وأنه ابجي اعله العمر راح منديه
[ندعوك للتسجيل في المنتدى أو التعريف بنفسك لمعاينة هذا الرابط]
الگلب ضل بس اهو وحـــده .. ورباه
يتيم وما لگه واحــــــــــــــد .. ورباه
منو المثلي أخ جرحــــــــــه .. ورباه
وكبرنه اعله القهر احنه سويه
[ندعوك للتسجيل في المنتدى أو التعريف بنفسك لمعاينة هذا الرابط]
الوادم تنظر لجسمــــــي .. يروحاي
وأنه اموتاتني سكتــــــه .. يروحاي
ليش وبالعجل طحتـــــــي .. يروحاي
خلص صبرچ يروحي وخنتي بيه
[ندعوك للتسجيل في المنتدى أو التعريف بنفسك لمعاينة هذا الرابط]
سچاچين الوكت بالــــــــروح .. بردن
واحس الجسم وكت الصيف .. بردان
انه بردنين رحـــــــــــت وأرد .. بردان
وأخاف الغربة تاخذ حتى اديـــــــــــه
[ندعوك للتسجيل في المنتدى أو التعريف بنفسك لمعاينة هذا الرابط]
أمرني وألبيلك عسل بيك
عساهن بيه يفترن عسه البيك
حنضل لو ضكت خدي عسل بيك
ومن شفتك للنهد وجبه شهيه
[ندعوك للتسجيل في المنتدى أو التعريف بنفسك لمعاينة هذا الرابط]
سجاجينك بوسط حشاي يعمن
وعيوني من البواجي عليك يعمن
شلش لعليوي من كال يعمن
عليوي حلو بس بيه الاذية
[ندعوك للتسجيل في المنتدى أو التعريف بنفسك لمعاينة هذا الرابط]
سهول الناس عندي وانته راسي
سفن غركن ابحري وانته راسي
صديقي انته واخوي وتاج راسي
واعز منك ترة ماكو عليه
[ندعوك للتسجيل في المنتدى أو التعريف بنفسك لمعاينة هذا الرابط]
قصيدة انتي وحرت اقرا صدرها
وبحر الشعر ما ضمها صدرها
اليسا ادوخ لو شافت صدرها
واضنها تكول هم كسرت عليه
[ندعوك للتسجيل في المنتدى أو التعريف بنفسك لمعاينة هذا الرابط]
افرح لو شفت وجهك وسر بي
وحبك ثابت بكلبي وسر بي
شماطال الدرب امشيه واسر بي
واجيب الروح لعيونك هديه
[ندعوك للتسجيل في المنتدى أو التعريف بنفسك لمعاينة هذا الرابط]
كلبي شم عطر خدج وراساج
وعلى مرسى العشك حطج ورساج
احلف بالغزل واهله وراسج
معوفنج لون تدنه المنيه
[ندعوك للتسجيل في المنتدى أو التعريف بنفسك لمعاينة هذا الرابط]
اساس بعشرتي وياك صبيت
وجنني الهوى وبالشوك صبيت
اذا انته عليه ادموع صبيت
بجيت عيون من فركاك اليه
[ندعوك للتسجيل في المنتدى أو التعريف بنفسك لمعاينة هذا الرابط]
اذوبن شمعه واتامل تمر مر
عزيز الكلب بفراكك تمرمر
اسالك هم ضكت مرة تمر مر
وانه البرحي انكلب حنضل عليه
[ندعوك للتسجيل في المنتدى أو التعريف بنفسك لمعاينة هذا الرابط]
اذوبن لو شفت مرة خيالج
اريد بلا شعور ادخل خيالج
انتي مهره وانه الجايج خيالج
وعلى درب العشك تمشين بيه
[ندعوك للتسجيل في المنتدى أو التعريف بنفسك لمعاينة هذا الرابط]
تلفاتج يدنيه من تلفني
وابيض ثوب روحي من تلفني
فرني شتلكه بيه من تلفني
غير الحزن ما ظل شي بديه
[ندعوك للتسجيل في المنتدى أو التعريف بنفسك لمعاينة هذا الرابط]
حبيبي من الهوى نصلي ونصلاك
وواجب نعتني شخصك ونصلاك
نص مهجتي الي ونص لاك
وثلثين العقل والباقي اليه
[ندعوك للتسجيل في المنتدى أو التعريف بنفسك لمعاينة هذا الرابط]
هام الكلب بيها من شفتها
وعرك خدي على خدها من شفتها
حرت اشلون اهد شفتي من شفتها
مثل كضت قفل وانلحمت عليه
[ندعوك للتسجيل في المنتدى أو التعريف بنفسك لمعاينة هذا الرابط]
حبيبي شاخرك عني وماييت
الوسيعه ضاكت بعيني وما يت
طريح وناحل بهجرك وميت
ارحمني بصدت عيونك عليه
[ندعوك للتسجيل في المنتدى أو التعريف بنفسك لمعاينة هذا الرابط]
روحي تكول عدله ما ني ميته
وعجب زرع الزرعته ما نميته
وهذا الليل كله ما نميته
فراك وحرمو وصلك عليه
[ندعوك للتسجيل في المنتدى أو التعريف بنفسك لمعاينة هذا الرابط]
اسعد شخص بالدنيا من شفتها
وردت ما ترمش عيوني من شفتها
ردت اروي شفني من شفتها
حللت خدها وحرمت شفتها عليه
[ندعوك للتسجيل في المنتدى أو التعريف بنفسك لمعاينة هذا الرابط]
تحله البوسه محبوبي من شفاك
عسل وتغمسه اشفافي من اشفاك
تطيب اعضاي كلها من اشفاك
لان شفتك دوة موصوف اليه
[ندعوك للتسجيل في المنتدى أو التعريف بنفسك لمعاينة هذا الرابط]
اكتبلي شما ردت تكتب وردلك
بساتين بوسط روحي ورد لك
اغيب وابتعد وازعل وارد لك
لان الكلب بيدك مو بديه
[ندعوك للتسجيل في المنتدى أو التعريف بنفسك لمعاينة هذا الرابط]
